Endamê Konseya Serekîya Pêroyî ya KCKyî Dîyar Xerîb û embazê xo Devran û Şahîn 5ê temmuza 2019î de hêrişêkê hewayî yê artêşa tirke ya îşxalkere de şehîd bibî.

Seba Dîyar Xerîbî dewa Îndzê ya  Binarê Qendîlî de merasîmê yadkerdişî ame kerdene  û peykerê ci ame ronayene. Dadîya Dîyar Xerîbî Sedîye Nazim perdeyê peykerî ser ra kerd.

Birayê Dîyar Xeribî Rizgar Xerîbî her kesî rê sipas kerd, serrgêra 42. ya ronayîşê PKKyî fîraz kerde û venga kurdan da ke têkoşîn xurtêr bikerê.

Serekê Rêxistina Darko Elî Qadirî zî îfade kerd ke Dîyar Xerîb bi têkoşînê xo bi sembolêko neteweyî û bi hezaran şagirtê Apoyî perwerde kerdî. Hemşaredarê Binarê Qendîlî Mehmed Hesenî zî pare kerd ke ê pê şehîd Dîyar Xerîb sereberz ê.