Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya 1-30ê hezîrane eşkera kerde. Eşkerayîye wina ya:

''Dewleta tirke dewletêka neteweyî ya ke bingeyê tirkayetîye û sunîtîye de ronîyaya. Na dewleta faşîste kerd ke tirkayetîye ra ber pêro neteweyan û sunîtîye ra ber pêro bawerîyan û mezheban çin bikera coka qirkerdişê barbarî kerdê. 2yê temmuza 1993yî de Sêwas de 34 canê ma yê elewîyî bi hawayêkê barbarî ameyî qetilkerdene. Ma nê cananê xo serrgêra 30. ya Qirkerdişê Sêwasî de bi rêzî yad kenê.

Dewleta tirke ya kolonyalîste-qirkere bi heman ferasetê faşîzanî Rayber Apoyî rê pê tecrîdî îşkence kena, vera şarê kurdî û gerîlayanê azadîye zî hêrişanê qirkeran kena. Nê hêrişan de gerîlayê azadîye yê Kurdîstanî hedefê dewlete yê verên ê. Gerîlayî seba ke şarê ma rê girîng ê, pawitişê şarê ma wayîrê rolî yê, temînatê azadîye û serkêşê têkoşînê ma yê tim hedefê dişmenî de yê. La gerîlayê azadîye seba estbîyayîşê şarê ma û têkoşînê azadîye bi erk û mesuldarîya xo Vakurê Kurdîstanî ra heta Herêmanê Pawitişî yê Medya bi ruhê Apogîrî yê fedayî têkoşîn kenê.

Hêrişê îşxalî bêmabên dewam kenê

Dewleta tirke ya îşxalkere menga hezîrane de vera Vakurê Kurdîstanî operasyonanê hîrayan rê dewam kerd û Herêmê Pawitişî yê Medya zî erd û hewayî ra tim dayî bombayan ver. Hezîrane de Vakurê Kurdîstanî û Herêmê Pawitişî yê Medya 127 reyî pê teyarayanê şerî, 40 reyî pê helîkopteranê hêrişî, 2148 reyî pê obus, tank û çekanê giranan dîyayî bombayan ver. Mewzîyê Waranê Xoverdayîşî de 26 reyî pê çekanê kîmyewîyan û bombayanê qedexekerdeyan dîyayî bombayan ver. Reyna artêşa îşxalkere seba ke înan bişikna pê kepçeyan hêrişê mewzîyanê ma kerd.

44 îşxalkerî ameyî cezakerdene

Hêzanê ma verê hêrişanê dişmenî de pozîsyonê xo yê adirbirnayîşî pawit la 13ê hezîrane ra dima pozîsyonê çalakîkerdişî vist dewre û derbê giranî dayî artêşa îşxalkere ro. Menga hezîrane de hêzanê ma 45 çalakîyî kerdî. Netîceya nê çalakîyan de 1 kontra û 44 îşxalkerî ameyî cezakerdene, 1 wesayîtê tîpê Reoyî, 1 mobesse û 1 sîstemê radarî zî ameyî îmhakerdene.

Ala têkoşînî ya şehîdan do bêra resnayene serkewtişî

Na Menga Fedayîyan a Hezîrane de Amed de Endamê Fermandarîya Eyaletî Xemgîn (Samî Ozdemîr), Bahoz (Umît Korkmaz), Zîne (Dîlane Gokalp), Mahsum (Vedat Ayhan); Herêmanê Pawitişî yê Medya de embazê ma Asya (Kadrîye Tetîk), Azad (Thomass Johann Spiess), Koçer (Diyako Saidi), Zana, Zagros û Berxwedan şehîd bîyî. Embaz Azadê almanî ra heta embaze Asyaya orduyîje nê embazanê ma bi tewrbîyayîşê xo mojna ke partîya ma de enternasyonelî mil bi milî têkoşîn kenê. Reyna îsbat bi ke raştîya têkoşînê Apogîran, têkoşînê azadîye yê kurdan eslê xo de têkoşînê pêro şaran o. Na raştîya şehîdanê ma, têkoşînê înan ê demokrasî û azadîye hetê ma ra tim do bêrê esaskerdene, ala înan a têkoşînî zî do bêra resnayene heta serfîrazîye.''