Qezaya Elkê ya Şirnexî de 21ê hezirane de hetê artêşa tirke ya îşxalkere ra hêrişê îşxalî dîya destpêkerdene. Badê hêrişî pêkewtiş vejîya û pêkewtişî ra dima herêma pê droneyanê çekdaran dîya bombayan ver. Netîceya bombardumanî de 4 gerîlayê HPGyî şehîd bîyî. Cenazayî wedarîyayî Nêweşxaneyê Dewlete yê Şirnexî. Cenazayî ameybî wina hale ke keyeyê înan nêeşkayî teşhîs bikerî. Naye ser o keyeyan semedê testê DNA gonî daye.

Bado ke netîceya testê DNA safî bîye, keyeyê gerîlayê HPGyî Basri Cin (Brûsk Kato) vizêr nêweşxane ra cenazaya xo girewte. Keyeyî cenazaya xo berde Taxa Ofisî ya Silopîya ya Şirnexî û badê caardişê wecîbeyanê dînîyan defin kerde.

Eynî pêkewtiş de gerîlayî Sefer Temel ( Rustem Çekdar Kato), Yilmaz Sala (kamuran Gever) û Dilsoz Rojhilat şehîd bibî. Cenazayê Temel û Salayî hetê keyeyanê ci ra ameyî definkerdene la cenazaya Rojhilatî hema nêweşxane de yena pawitene.