Gerîlayê HPGyî Erhan Olçen 3ê teşrîna peyêna 2019î de pêkewtişêk de qezaya Licê ya Amedî  de şehîd bibi. Cenazaya Olçenî 108 rojî  yo ke keyeyê ci rê nêameye teslîmkerdene.

Wekîla HDPyî ya Amedî Semra Guzel babete berde rojdemê Meclîsî. Guzele vernîyazê persî da Wezîrê Edaletî Abdulhamît Gulî û persa ke cenazaya Olçenî ya ke Nêweşxaneyê Cigêrayîşî û Perwerdeyî yê Gazî Yaşargîlî yê Amedî de yena vindartene çira keyeyê ci rê nêna telîmkerdene.

Vernîyaz de Guzele nê zanayîşî dayî: ''Keyeyê Olçenî cenazaya lajê xo teşhîs kerde la cenaza înan rê nêameye dayene.  Keyeyî seba testê DNA muracatê Serdozgerîye kerd. La dozgerî bi vatişê 'Ê muxatabê mi nîyê, wa nêrê tîya.' keyeyî reyde pêvînayîş nêkerd.''

Guzele îfade kerd ke cenaza  108 rojî yo ke morg de yena vindertene û no têgêrayîş bêexlaqî û bêmerdimî yo. Guzele vat: ''Heqê her kesî yo ke gorêkê ci bibo. Çar serranê peyênan de bi seyan cenazayî nêameyî dayene. Nê cenazeyî ya goranê bêkesan de yenê definkerdene yan zî morgan de yenê vindartene.''