Cenazeyê kesanê ke wextê qedexeyê tebervejîyayîşî yê ke 14’ê Kanûne 2015 de ameybî îlankerdene û 79 dewam kerdibi de cuya xo vîndî kerda, hîna goristananê bêkesan de yenê vindernayene.

Wextê hêrişanê ke sey ‘Cêrzemînê hovîtî’ yenê zanayene û bi seyan kesî tede bi vêşnayîş ameyî kiştene de, cenazeya Hazal Aslan a ke endama YPS’yî ya û 16’ê Şibate 2016 cuya xo vîndî kerda, 40 mengan ra dima ameye teşhîskerdene. Dimayê qedexeyê tebervejîyayîşê muracatkerdiş keyeyê Aslane bi  Serdozgerîya Komare ya Cizîrî ra 40 mengan ra tepîya, ame zanayene ke cenazeya Aslane goristanê bêkesan ê Riha de ya. Dimayê teşhîskerdişê cenazeya Aslane keyeyê ci ver Wanî kewt rayîr. Cenazeya Aslane goristano ke taxa Yenî ya Wanî de yo de do bêra wedarnayene.