Cazaya  30 serran a ke derheqê   hemşaredara verêne a Bajarê Girdî yê Amedî Gulten Kişanake û hemsereka DBP’yî Sebahat Tûncele de ameyebî dayene, hetê Mehkemaya Îstînafî ya Dîlokî ra ameye xeripnayene.

Kişanake û Tûncele ê ke 2 serran ra zafêr o ke zîndan de yenê tepiştene bi îdîaya, ‘’ronayîş û îdarekerdişê rêxistene’’ û ‘’Propagandaya rêxistene’ yenê sucdarkerdene. Kişanake bi cezaya 14 serran û 3 mengan, Tûncele zî bi 15 serran ameyîbî mehkumkerdene.  Mehkemaya Îstînafî ya Herême ya Dîlokî qerarê cezaya Kişanake û Tûncele xeripna.  Avûkat Mehmet Emîn Aktarî hesabê xo yê medyaya sosyale ra  da pêhesnayene ke qerarê cezaya Kişanake û Tûncele 17.07.2019 de hetê Mehkemaya Îstînafî ya Herême ya Dîlokî ra ameyo xeripnayene. Dimayê qerarî dosya reyna mehkemaya verêne ra ameye şawitene.