Cinîyanê Dêrsimî qala zehmetîya prosesê janî kerde

Cinîyan ê dêrsimijan qala zehmetîya prosesê janî kerde û vat: ''Ma bêçare û bêhêvî yê. Ma nêeşkenê şorê cayêk. Na nêweşîye ra nata ma de aramîye nêmenda.''

Wird cinîyê dêrsimijê ke hem merdimê yewbînan ê hem zî nameyê înan sey ci yê Besere Candemîr û Besere Candemîr qala zehmetîya prosesê kenê.

Cinîyan da zanayene ke ê tersê janî ra nêeşkenê vejîyê teberî û vat: ''Ma nêeşkenê şorê teberî ra bigêrê, tim keye de yê. Xora dewê ma zî bi serran o qedexekerde yê. Nika zî no jan vejîya. 30 serrî yo dewa ma herêma qedexekerde ya. Tede qereqol ronîyayo. Dewe de pereyê çewî zî çinbo merdim xo rê şino daristanan ra çîyêk arê dano weno. La şaristan de eke pereyê ro çin o ti zî çin î.''

Besera bîne zî vat: ''Ma bêhêvî û bêçare yê. Ma nêeşkenê şorê cayê domananê xo zî. Wa cayê ma yê fîrazî pê tilsimê xo nê zehmetîyan çin bikerê. Nê janî ra nata ma de aramîye nêmende. Ma pê tersî ciwîyenê, nêzanenê se bikerê.''