Şingal de vizêr vera Komployê Mîyanneteweyî yê vera Rayberê Şarê Kurdî Abdullah Ocalanî rayberîya Yewîya Ciwananê Êzidîyan û Cinîyan ê Ciwanan ê Êzidîyan de çalakîyêka rayraşîyayîşî ameye kerdene.

Çalakîye de fotografê Rayberê Şarê Kurdî ameyî kiriştene.

Hêzanê Iraqî xîret kerd ke çalakîye asteng bikerê la ciwanan çalakîya xo rê dewam kerd. Ciwanan vera tedaya hêzanê Iraqî pê konvoyan çalakîye rê dewam kerd. Dima ciwanan verê Meclîsê Şarî yê Dugurî de eşkerayîye daye. 

Ciwanan ra Endamê Meclîsê Dugurî Cîlan Şivanî Rojnewsî rê qisey kerd û vat: ''Komelê êzidîyan seba azadîya Rayber Apoyî werişt payan ser. Hukmatê Kazimîyî xîret kerd ke çalakîya ma asteng bikero. Înan ma ra waşt ke ma afîşanê Rayber Apoyî wedarnê. La ma afîşê ey kerd hîna berz kerdî, nayî serê sereyê xo.''

Endama Cinîyan ê Ciwanan ê Êzidîyan Ala Şengalî vat: ''Her çiqas hukmatê Kazimîyî wazeno ma asteng bikero zî ma do seba azadîya Rayber Apoyî û Şingalî tim xîret bikerê.''