Yewîya Cinîyan ê Ciwanan ê Êzidîyan û Yewîya Ciwananê Êzidîyan vizêr Şingal de bi rayraşîyayîşê bi meşaleyan Newroze fîraz kerde. Çalakîye de fotografê Mazlûm Dogan û Şehşane Demîrel û Rayberê Şarê Kurdî Abdullah Ocalanî ameyî akerdene. 

TAJÊ zî paştî daye çalakîya ciwanan û tewra çalakîye bîye. TAJÊ pare kerd ke ê emser bi ruhê Newroze tecrîdê Îmraliyî çin bikerê û Abdullah Ocalanî azad bikerê. 

Dima ciwanan Nahîde Bork û Xezale Reşo qisey kerd û înan vat: ''Ma sey ciwananê êzidîyan seba azadîya Rayber Apoyî, seba azadîya Êzidxanî û Kurdîstanî pêro dinya de adirê Mazlûm Dogan û Rehşane geş bikerê.''

Dima eşkerayîye ameye wendene. Eşkerayîye de venga pêro şingalijan ame dayene ke tewrê şayîya Newroze bibê.