Komîteya Pawitişê Rojnamegeran (CPJ) derheqê xeberdarê ajansê Rojnewsî Zubêr Bradostî yo  ke hetê asayîşê PDK’yî ra ameyo destbendkerdene û 10 rojî yo ke ci ra xeberêk nêameya girewtene, eşkerayîyêk daye û waşt ke Bradostî cade serbest bêro veradayene.

CPJ’î da zanayene ke Zubêr Bradostî hetê îstîxbaratê Fermandarîya Helgurdî ya ke pabesteya Partîya Demokratîk a Kurdistanî (PDK) ya ameyo destbendkerdene û 10 rojî yo ci ra xebere nêna girewtene û nêvejîyayo mehkema.

Temsîlkarê Rojakewtena Mîyanêne û Afrîkaya Vakure yê CPJ’yî Ignacîo Mîguel Delgado zî nê vatî: ’’Îdarekarê Kurdan ê Başûrî  xo sey demokratîk ramojnenê la bîlaheq destbendkerdişê rojnamegerêk dîktatorîye ya. Ma veng danê Hukmatê Herême ya Kurdistanî ke wa Zubêr Bradostî cade serbest veradî ya zî derheqê aqibetê ci de zanayîş bidê.