Fînalê şayîyanê Newroza 2022î Parka Newroze ya Rezanî ya Amedî de yeno kerdene. Herêma Kurdistanî ya Federe, Iraq, Misir, Lubnan, Fas, Tunus, Urdun û Yemen, welatanê Ewropa û Afrîkaya Vakurî ra xeylêk silabîyayeyan protokol de cayê xo girewt.

Merdimanê tepişteyan û çalakîkeranê Nobeta Edaletî Încî Guler, Reşahate Ada, Hakki Boltan û Nazîre Boltan, Fevziye Kolakan zî protokol de yê. Sîyasetmedar Ahmet Turk, cinîya Hemserekê verênî yê HDPyî Selahattîn Demîrtaşî Başake Demîrtaş zî meymanê Newroze yê.

Polîsan nêverda ke merdimî pê kincanê herêmîyan debikewê warî. Dima ke ciwanan bendê polîsan rijnayî, 200 polîsî verê sehne de ameyî cakerdene. Ciwanan pankarta 'Îradeyê şarî nêno xespkerdene' akerde. Naye ser o polîsî neçare mendî ke xo apey biancê.

Astengî û hêrişanê polîsan ser o Endamê Komîteya Amadekarîye û Wekîlê HDPyî vejîyayî sehne ser.

Vervatoxa Meclîsê Cinîyan ê HDPyî Ayşe Acar Başaran vera polîsan nêrazîbîyayîşê xo mojna û vat: ''Kes nêeşkeno verê îradeyê şarê Amedî de vindero. Se kenê wa bikerê do nêeşkê şayîya ma asteng bikerê.''

Başarane Walîtîya Amedî ra waşt ke provakasyonan nêkera.

Provakasyonê Mudirîya Asayîşî ra Newroze hema dest pênêkerde. Girse sloganê 'Biciwîyo Serek Apo' vano.