23yê kanûna 2022yî de paytextê Fransa Paris de hêrişê vera Merkezê Kulturê Kurdan ê Ahmet Kayayî de Endama Konseya Rayberdişî ya KCKyî Evîne Goyî, hunermend Mîr Perwer û welatperwer Abdurrahman Kizil ameybî qetilkerdene. Dadîya Mîr Perwerî Fîlîze Aydin vizêr nêweşxane de dinyaya xo bedilnaye.

Fîlîze Aydin wextêkî ra nata enfeksîyonî ra Xarpêt de tedawî dîyêne. Cenazaya aye vizêr ameye girewtene û saete 03.00 de Goristanê Ewranî de hetê gorê lajê xo Mîr Perwerî de ameye definkerdene. Teyna keye û merdimê Fîlîze Aydin tewrê merasîmî bîyî.