Dag û Erî çalakîya xo ya rojeyê mergî qedînaye
Mazlûm Dag û Abdurrahman Er yê 13ê sibate ran ata zîndanê Hewlêrî de rojeyê mergî de yê seba ke waştişê înan ameyî caardene çalakîya xo qedînaye.
Herêma Kurdîstanê Federeyî de Mazlûm Dag û Abdurrahman Er dima ke 17ê temmuza 2019î de elemanê MÎTî Osman Kose Hewlêr de kişîyabi ameyî tepiştene û cezaya îdamî dîyaye înan.
Mazlûm Dag û Abdurrahman Erî vera binpaykerdişê heqan Zîndanê Hewlêrî de 13ê sibate de dest pê rojeyê mergî kerdbi. Mazlûm Dagî ke keyeyê xo reyde telefon de qisey kerd vat waştişê înan ameyî ca coka înan çalakîya xo qedînaye.
