Goreyê netîceyanê ke hema fermî nîyê Partîya Têdûştîye û Demokrasîyî ya Şaran (DEM Partî) weçînayîşê şaredarîya Curnê Reşî de ser kewt.

Hemşaredaranê DEM Partî Serhan Paylaş û Garip Yeşîl b10 hezar û 730 rayî girewtî. Namzedê AKPyî zî 7 hezar û 420 rayî girewtî. DEM Partî seba ke qeza de tezîye est a şayî nêkerd. Bi tewrbîyayîşê bi hezaran kesan herinda şayîye de eşkerayîye ameye dayene. Hemşaredaran şarê selam kerd û Wekîlê DEM Partî yê Riha Omer Ocalanî qiseykerdişêk kerd.

Omer Ocalanî nê vatî: ''Şarî reyna vat ma tîya de yê. Ma yew şarê ke ma  seserrî yo na herre de ciwîyenê, wayîrê tarîxê xo vejîyenê û wazenê pêro pîya biciwîyê. Şarê ma 31ê adare de raştê neheqîya pîle ame la giranîye xo pawit û gêra edaletî. Ma sereberz ê. Ma do ewro ra tepîya zî wina bikerê. Ma do Curnê Reşî de bi ruhê yewîye rayra şirê. Ma ser kewtî la muşahîtê ma heme edlîye de yê, cunke zûrê na partîye nêqedîyenê. Coka heta ke hûmarê fermî nêrê eşkerakerdene ma do tîya camêverdê. Şima ewro morê xo da binê yew tarîxî ro. Ma do heta peynî wayîrê nê bivejîyê.''

Şaro ke verê banê DEM Partî de paweno,  bi slogananê “Bijî Kurdistan”, “Hilvan dimeşe erd û ezman diheje", “Îmraliyî rê hezar selamî ”, “Bijî berxwedana zindanan”, “Bijî Ocalan” û “Jin jiyan azadî” qîreno.