Recep Hantaşo  20 serre roja Yewşeme saete 03:20 de qeza ya Yenîşehîrî ya merkezê bajarê Amedî de hetê polîsan ra amebi înfazkerdene. Serê leşa Hantaşî de 3 birînê fîşekan amebî testpîtkerdene.

Dimayê înfazî polîsan birayê Recep Hantaşî Efe Hantaşî ra vatibî, “Bi şaşîye ame kiştene” la walîtîye zî vatibî ke seba ke îxbarê “vinde”goşpey kerdo ameyo kiştene.

Amed de çarçewaya tehqîqatî ya ke hetê Serdozgerîya Komare ra amebi akerdene de, 2 polîsî amebî destbendkerdene. Her di polîsî seba îfadegirewtişî ewro sewqî Edlîye ameyî kerdene.  Mehkemeya Nobedare derheqê polîsêk de qerarê tepiştişî da û polîso bîn zî bi şertê kontrolê edlî ame veradayene.