Weçînayîşê 31ê adare de sey xeylêk cayanê Kurdîstanî Şirnex de zî îqtîdarî bi leşker û polîsan ê ke teberê bajarî ra ardî raye dayî şuxulnayene. Suleyman Salgucakî  Şirnex de vera leşkeranê ke teberê bajarî ra semedê şuxulnayîşê raye amebî bi vatişê Qisey bikere ti ça ra yî ’ nêrazîbîyayîşê xo ardbi ziwan.

Serdozgerîya Komare ya Şirnexî bi îdîaya “muxalefetê vera qanûnê weçînayîşî”  û “astengkerdişê şuxulnayîşê raye” derheqê Salgucakî de cipersayîş da destpêkerdene.

Salgucakî ke Mudirîya Polîsan a Bajarî de îfade da tira ame persayene ke ey talimat girewto ya nê. Salgucakî zî ard ziwan ke gama ke o şîyo raya xo bişuxulno otobusê leşkeran dîyî ke plakaya bajarî nêbi û vat coka o înan ra wina “Qisey bikere ti ça ra yî” persayo.