Dewa Yukari Oymaca ya qezaya Mazgêrdî ya Dêrsimî de 12 pezkovîyê merdeyî ameyî dîyene. Nêzanîyeno ke kamî pezkovîyî qetil kerdê.

Avûkat Bariş Yildirimî medyaya komelkî ra da zanayene ke pezkovîyî merde dîyayî û ê do gerreyê mesele bikerê. Yildirimî vat: ''Qirkerdişê pezkovîyan Dêrsim de dewam keno. Verî zî dewa Çanakçi de pezkovîyî bi hawayêkî komkî ameybî qetilkerdene û ma o çax zî gerre kerdbi.''