22-23'yê Hezîrane de qezaya Xozatî ya Dêrsimî de mabênê esker û hêzanê HPG’yî de pêkewtiş qewimîya. Pêkewtiş de Mahmût Alinbay (Adnan Pîro), Cîhan Çelebî (Hakki Çemîşgezek), Mazlûm Atar (Sîdar) û Abdulkerîm Avrasî cuya xo vînî kerde. Seba ke cenazeyê gerîlayanê HPG’yî sîya bîyê û çermeyê înan rişîyenê, keyeyan da zanayene ke ‘pêkewtiş de çekê kîmyayî ameyê bikarardene’ û vat cenazeyanê domananê înan rê îşkence ameyo kerdene.

Pîyê Mahmût Alinbayî, Ahmet Alinbay,yo ke cenazeya ey qezaya Pîranî ya Amedî de ameya werdarnayene, ard ziwan ke cenazeya lajê ci û yê bînan de nîyadayo, cenazeyî bîyê sey komirî û çermeyê înan rişîyênê. Alinbayî, vat: Pêkewtiş de çekê kîmyayî ameyê bikarardene. Pî Alinbayî da zanayene ke bi cenazeyan îşkence ameyo kerdenen û çimê lajê ey ameyê vetene, ling û didanê ey ameyê şiknayene û tayê cayanê wucudê ey ameyê cirakerdene. Cenazeya înan 4 rojî teber de ameya verdayene û nêberda morg.  A ya ke bi cenazeyan ameya kerdene "wehşet a". Ê yê ke vanê ma merdim ê naye nêkenê. Bi îşkencekerdişê cenazeyan wazenê senî qesas bikerê? Bi rastî zî ez fam nêkena. Na hovîtî ya. Hetê bînî ra no sucê şerî yo zî. Çi beno wa bibo ganî seba cenazeyan hurmetêk bibo. Ez merdimbîyayîşê ma ra şerm kena. Ma do gerre bikerê.”

Pî Ahmet Alinbayî, bale ante serê caardişanê polîsan ê wextê werdartişê cenaze zî û da zanayene ke înan “sînorkerdişê beşdarbîyayîşê seba merasîmê cenaze” qebûl nêkerdo. Heqê her keyeyî yê tewrê merasîmê cenazeyanê xo û wayîrvejîyayîşê ci esto.