Heyetê Mehkemeya Cezaya Girane ya Riha ya ke dewaya Qirkerdişê Pirsûsî de bire dayêne xo dosyaya Îlhamî Balî û Denîz Buyukçelebîyî ra apey ant ke dosyayê înan ameybî texrîbkerdene. Serdozgerîya Komare ya Riha waştişê heyetî qebul kerd û herinda heyetî de heyetê Mehkemeya Cezaya Girane ya 2. wezîfedar kerd.

Roniştişê dewa de 22ê teşrîna verêne de verguman Yakup Şahînî rê cezaya muebede amebî dayene. Derheqê Balî û Buyukçelebîyî de zî bira tepiştişî û tefrîkî amebî dayene. Roniştişê 20 û 21. ra dima avûkatanê Platformê  Pirsûsî rê Edaletî waştbi ke dadger dewa ra bêro girewtene. Roniştişo newe yê dewa 18ê sibate de yo.