Tîma Awankerdişê Haştîya Komelkîye (Christian Peacemaker Teams-CPT) da zanayene ke artêşa tirke ya îşxalkere  hêrişê xo yê îşxalî yê hewayî heta Çomanî berdê û no hewte di reyî na herême daya bombayan ver.

Endamê CPTyî Kameran Osmanî îfade kerd ke vizêr saete 17.00 de teyarayanê şerî yê artêşa îşxalkere hîrê herêmê bajarekê Qesrê yê qezaya Çomanî dayê bombayan ver. Osmanî pare kerd ke herêmê Sêkanyan, Zînokan û Girdan zî dayê bombayan ver.

CPTyî dîyar kerd ke mîyanê hewteyêkî de di reyî artêşa îşxalkere sînorê Çomanî dayê bombayan ver û vat: ''20ê temmuze teyarayanê şerî yê dewleta tirke gelîyê Gelejêrî, Girê Bîriyan ê wareyanê Berdespiyanî yê Koyê Girdugoyî yê Çomanî dayî bombayan ver.''

Goreyê doneyanê CPTyî destpêkê emserî ra nata hêrişanê dewleta tirke yê vera Herêma Kurdîstanî de 19 sivîlî şehîd bîyê û di hemwelatîyî zî birîndar bîyê.