Endamê Tîmanê Awankerdişê Haştîya Komelkîye (CPT) Kameran Osmanî hesabê xo yê medyaya dîjîtale de pare kerd ke dewleta tirke ya îşxalkere saetanê şewe de tewr tay 24 rehyî erdê Başûrê Kurdîstanî dayo bombayan ber.

Kameranî da zanayene ke nê hêrişan de Girê Biharî, Koyê Heft Tebaqî, dewê Kevne Mijê, Sipêndarê, Gîrgaşî, Koyê Kitkitî yê Xakurkê û Sîdekanî, Koyê Koxe, Koyê Tale, dormeyê Qelatukanî, Koyê Asosî û dewa Kiwêrekanî dîyayê bombayan ver.

CPTyî 18ê tebaxe de zî pê hesnabi ke 1991 ra nata tewr zaf hêrişanê dewleta tirke de sivîlê Başûrî kişîyayê. CPTyî wina vatbi: ''2015 ra nata droneyê çekdarî yê dewleta tirke benê sebebê kiştiş û birîndarkerdişî.''