Tîmanê Ronayîşê Haştîya Komelkî (CPT) derheqê hêrişê îşxalî yê dewleta tirke yê vera Başûrê Kurdîstanî de eşkerayîye daye.

Eşkerayîye de dîya zanayene ke 300 tank û wesayîtê zirxinî yê dewleta tirke ya îşxalkere dewanê Ûre, Sererû, Eredinan, Kêste, Çelkê û Babîrê yê Herêma Kurdîstanî ameyî cakerdene.

Eşkerayîye de ame vatene ke artêşa tirke binateyê dewanê Babîrê û Kanî Belavê de nuqtayê kontrolî nayî ro û nasnameyê şarî kontrol kerdî.

Rapor de dîya pêhesnayene ke hîrê rojan de nizdê hezar leşkeranê tirkan ver bi baregehanê leşkerîyan ê ke nêzdîya Barûx, Koye Metîna û Bamernê de yê, kewtî rayîr.

Rapor de nê ameyî vatene: ''Dewleta tirke nika Şêladizê ra heta Koyê Metîna wazena xeta asayîşî rono. Na xete Dêrelok, Bamernê û Bêgova ra ravîyarena. Bi tewirî artêşa tirke heme dewe, deweke, ko, erazaî, newal, çem û herêmî yê ke peyê na xete de yê, wezena bîgêrê binê kontrolê xo.

CPTyî da zanayene ke înan bi dewijan zî pêvînayîş kerdî û vat şar seba ke leşkerî dewe de yê zaf qerqilîyeno.