Dewleta Tirkî ya ke bi heme îmkananê xo hêrişê Kurdan û xoyaza Kurdistanî kena na  rey zî qezaya Licê ya Amedî bi keyfî cayê tarîxî serûbin kerdî. 15 şikeftê tarîxî hetê hêzanê Tirkan ra ameyî rijnayene.

Artêşa Tirkî 30’ê Hezîrane de xeylî mehleyanê qezaya Licê ya Amedî oprasyonê eskerî dabi destpêkerdene. Operasyono ke bi tewrbîyayîşê cendirme û polîsê têgêrayîşê teybetî ame viraştene de helikopter û wesayîtanê hewayî yê bêmerdimî zî paştî daye ci. Çarçeweya operasyonî de sereştişê keyeyan ameyî kerdene û nuqtayê kontrolan de hemwelatijî GBT’yî ra ameyî ravêrtene. Operasyon 2’ê Temmuze de qedîya.

Walîtîya Amedî derheqê operasyonî de eşkerayîyêk daye û vat çarçeweya operasyonî de 15 şikeftê tarîxî yê Licê yê ke binê blokanê zinaran de yê hetê înan ra ameyî rijnayene. Sebebê naye zî sey ‘Şikeftî hetê endamanê rêxistinî ra yenê şuxulnayene’ ame ramotene.