Dezgehê Elewîyan de ke bajarê Strasbourgî yê Fransa de verê Konseya Ewropa de ameyî têhet bi eşkerayîya hempare veng da dezgehanê eleqedaran ê Ewropa ke wa vera hêriş û qirkerdişan ke Sûrîye de vera elewîyan yenê kerdene, bêveng memanê.

Eşkerayîye de bale ameye antene serê hêrişê vera elewîyan ser û wina ame vatene: ''Elewîyî bi hewayêkê xeletî sey hetê rejîmê Esasî yenê mojnayene û benê hedefê sûcanê nefretî. No zulm û wehşet têna leşkerî nê warê sîvîlî de zî sûcêkê merdimîye yo û kam ke vera ci bêveng bimano hemkarê ci yo.''

Dezgehanê elewîyan waştişê xo wina rêz kerdî:

''Ganî heqê azadîye yê heme dînan û bawerîyan bigêrîyo binê asayîşî

Ganî dezgehê mîyanneteweyîyî vatişanê nefretî yê vera mezheban şermezar bikerê û şirê grûban ser ke nê prooagandayan kenê.

Ganî mekanê bimbarekî bêrê pawitene, êyê ke bi zorî erdê xo ra bîyî peyser agêrê û înanê ke binpaykerdişê heqan kerdî bêrê muhakemekerdene.

Ganî Neweyê Yewbîyayeyî û Konseya Ewropa semedê îstîkrarê Sûrîye garatorîye bikerê.

Ganî Yewîya Ewropa sûcanê merdimîye yê HTŞ û grûbanê radîkalan ê sey ci şermezar bikero û nê grûban reyde tekîlîya xo bibirno.

Ganî sere de elewî û kurdî heme nasname û bawerîyî bieşkê xo azad îfade bikerî, ziwanê dayîkê xo de perwerde bivînê û bi îdareyenê xoseran bibê wayîrê xo îdarekerdişî.

Ma veng danê Hêzê Haştîye yê Neteweyanê Yewbîyayeyan ke wa herêmanê Sûrîye de ke tede pêkewtiş û qirkerdişî est ê semedê vindarnayîşê pêkewtişan aktîf wezîfe bigîro.''