Artêşa tirke ya îşxalkere 17ê nîsana 2022yî de vera Zap, Metîna û Avaşînî hewa û erdî ra hêrişê îşxalî dayî destpêkerdene. Gerîlayê HPG û YJA-Starî bi hawayêkê tarîxîyî vera nê hêrişan xo ver danê. Rojnameger Kurtay Serhatî Herêmanê Pawitişî yê Medya de rixmê şert û mercanê giranan zî dîmenê cepheyê şerî girewtî.

Serhatî dîmenê Girê Hakkarî, Girê Şehîd Akîf, Girê FM ra heta Awa Zê, waranê Şehîd Mazlûm, Şehîd Leşker û Girê Cûdî girewtî û vat: ''Ez nika gerîlayêkê HPGyî reyde ya, seba ke kincanê ma yê sivîlan bale nêancê ma kincê kamuflajî xo rê kerdî û ma rewşa şerî teqîb kenê.''

Kurtay Serhatî ard ziwan ke serê Girê Hekarî de yewinê artêşa îşxalkere est ê û derheqê dîmenan de nê agahîyî pare kerdî:

''Şima nika ewnîyenê Girê Hekarî ra. Kişta ci de zî Girê FMyî est o. Ewro tîya de zat teqayîşî qewimîyayî, vengê şerî est bi. Na rêza girî dewam kena û bena warê Şehîd Mazlûmî. Tîya de Girê Şehîd Nalîne est o. Merdim eşkeno leşketê tirkê ke tîya de ca  bîyê bivînê. Verî hêzanê gerîlayan eşt nê girî ser û artêşa îşxalkere derbê giranî werdbî. Bi heman hawayî leşkerê tirkê ke serê Girê FMyî de ca bîyê, asenê.''

Rojnameger Kurtay dîmenê Girê Şehîd Leşkerîyî zî girewt ke roja verêne ya hêrişanê îşxalî de artêşa îşxalkere leşkerê xo tede verdabî û dîyar kerd ke serê girî de xeymê leşkeran est ê. Kurtayî pare kerd ke leşkerê tirkî Kurojahro de gêrîyayî binê ablûqa, çend rojî verî vînîbîyayîşê giranî dayî. Kurtayî îfade kerd ke herêma Kurojahroyî ya stratejîke de têgêrayîşê leşkerîyî dewam kenê.

Rojnameget Kurtay Serhatî dîmenê teqayîşanê Girê FMyî girewtî û vat: ''Nika zî yeno eşnawitene ke tay hêzê gerîlayan cewab danê leşkeran.''

Kurtayî derheqê dîmenê helîkopteran de zî wina vat: ''Ma eşnawenê ke gerîlayî cewab danê leşkeranê tirkan. Bêguman nêeşkenê tesbît bikerê ke gerîlayî ca bîyê  û hema zî dormeyê xo rê erzenê. Na rewşe her roje wina ya. Gerîlayî fîşekanê winasênan şuxilnenê ke peyê xo de rêçêk nêverdenê. No zî karê artêşa tirke keno zehmet.''