Bi mengan o ke bi belge û şahîdan eşkera yeno zanayene ke dewleta tirke ya îşxalkere çeteyê ke Sûrîye ra kerdî pêser, kirişena Başûrê Kurdîstanî. Hewlêr û Bexdad hema zî bêveng ê.

Tewr peynî de rojnameger Huner Amet şi dewa Belavê ya qezaya Amêdîyê ya Duhokî û dîmenê çeteyan antî. Huner Ahmet bi şahîd ke çeteyê ke herême de yê erdîşderg ê û erebkî qisey kenê.

Huner Ametî vat: ''Çeteyê ke dewleta tirke ya îşxalkere semedê îşxalî şawitî Başûrê Kurdîstanî hûmara înan 600 ya. Heme çeteyî Efrîn û Cindirêsê ra ameyî ardene û inkey ronayîşê baregehanê leşkeran ê neweyan de xebityenê.''

Vervatoxê YNKyî 7ê temmuza 2024î de eşekrayîyêka xo de dabi eşnawitene ke nizdê 300 çeteyanê DAÎŞî herêma Bala ya Berwarî de ameyî cakerdene. O wextî ra kiriştişê çeteyan dewam kerd.

Merkezê Belgekerdişê Binpaykerdişan ê Rojawanî zî 23ê temmuze de raporê xo de eşekra kerdbi ke dewleta tirke ya îşxalkere 300 çeteyê xo Sûrîye ra kiriştî Başûrê Kurdîstanî.