Dewleta tirke ya îşxalkere 14ê nîsane ra nata pê çekanê kîmyewîyan û bombayanê qedexekerdeyan hêrişê waranê Zap, Metîna û Avaşînî yê Herêmanê Pawitişî yê Medya kena.

Artêşa tirke ya îşxalkere seba ke pê xoverdayîşê gerîlayan nêeşkena huqûqê mîyanneteweyî binpay kena. Artêşa îşxalkere heta nika bi hêrişanê kîmyewîyan bi hezaran sûcê şerî kerdî.

Beşêkê nê sûcan hetê ajansê ma ra amebi belgekerdene. La hema zî dezgehê ke qaşo hêrişanê kîmyewîyan asteng bikerê bêveng ê. Dewleta tirke zî ney ra cesaret gêna û sûcanê xo rê dewam kena.

Goreyê dîmenanê ke şima vînenê 3ê temmuza 2022î de Warê Xoverdayîşî yê Girê Cûdî de 3 teqayîşê cîyayî, 27ê hezîrane de Girê Cûdî de, 15ê hezîrane de Girê Cûdî de, 21ê hezîrane de Girê Cûdî de 2 teqayîşê cîyayî, 24ê hezîrane de û 2yê temmuze de di teqayîşê cîyayî, 14ê temmuze de artêşa îşxalkere hêrişê kîmyewî kerdî.

Hetê bînî ra Warê Xoverdayîşî yê Werxelê de 19ê nîsane de gazê kîmyewî, 13ê gulane de Warê Xoverdayîşî yê Girê Cehenemî de û 21ê hezîrane de Warê Xoverdayîşî yê Girê FMyî de dîmenê teqaberan ameyî pêserkerdene.

Dîmenan de bi zelalî aseno ke hêzê teqaberan ra kameraya ke bi kîlometreyan dûrî de ya lerzena.