Dozgerê Komare yê Mûşî Serhat Çaylako ke zanîngeh de serekîya rêxistinîya nîjadpereste 'ulku Ocaklari' kerdêne, hema zî nîjadperestîye keno.

Dozgerê nîjadperestî wexto ke seba îfadeyî venga temsîlkaranê dezgeh û rêxistinanê kurdan keno, nînan rê heqaret keno. Wesayît û odaya meqamî ya dozgerî de hema zî nîşaneyê 'ulku Ocaklari' est ê.

Çaylakî vera Serekê ÎHDyî yê Mûşî û bi desan sîyasetmedaranê kurdan operasyonêk da destpêkerdene û derheqê înan de bira tepiştişî daye.

Çaylakî derheqê eşkerayîyanê çapemenîye yê 2013-2018î de gerrenameyêk amade kerd ke nê eşkerayîyî vera teşhîrkerdişê bedenê gerîla Ekîne Wan ameybî dayene. Dozger Çaylakî nê eşkerayîyî sey 'propagandaya rêxistine' pênase kerdî.

Çaylakî weşanayîşê eşkerayîya çapemenîye yê ANFyî sey sûcî hesibna û derheqê nê eşkerayîyan de dosyayêka pîle awan kerde.

Gerreyanê Çaylakî ra dima Serekê ÎHDyî yê Mûşî Tarik Guneş 2 mengan tepişte mend û dima vera dîya. Nika dosyaya Çaylakî ra qet yew sîyasetmedaro kurd tepişte nîyo.

Roniştişê dosya 22ê hezîrane de yo.