Endama Meclîsê Şaredarîya HDP’yî ya Nisêbînî ameye destbendkerdene
Endama Meclîsê Şaredarîya HDP’yî ya Nisêbînî Samîye Demîre ameye destbendkerdene.
Qezaya Nisêbînî ya Mêrdînî de endama Meclîsê Şaredarîya HDP’yî Samîye Demîra ke demo ravête de hemsereka Partîya Şaran a Demokratîke (HDP) ya qezaye bî, vizêr gama ke semedê îfadedayîşî şîye Mudurîya Asayîşî ameye destbendkerdene.
Ame zanayene ke Demîre çarçeweya cipersayîşo ke 24’ê Temmuze de hetê Serdozgerîya Komare ya Mêrdînî ra ameyo destpêkerdene de nezaretê Mudurîya Asayîşî ya Mêrdînî de yena tepiştene. Çarçeweya cipersayîşo ke qalê ci yena kerdene de 8 sîyasetmedarê Kurdî ameybî destbendkerdene û înan ra 4 kesî ameybî tepiştene.
