Eşkerayîye de no ame vatene: “Embaz Şahîn tim goreyê rolê xo yê mîlîtanî û serkêşîye têgêra, mîyanê mucadeleyê PKK’yî de bi kedêka pîle, fedakarîye û mîlîtanîye bi serkêşêko nimûne.”

 Eşkerayîya KCK’yî ya derheqê babete de wina ya:

„Her şar, her şoriş qehremananê xo aferneno. Têgêrayîşê PKK’yî zî bi afernayîşê des hezaran qehremanan şorişê şaran virazeno. Her mîlîtanêkê PKK’yî bi umîdê welatêkê azadî benê wayîrê demêkê tarîxîyî û şorişgêrî. Embaz Şahînî zî emrêkê ciwanî de rastîya dişmenî nas kerde, polîtîkayê înkar û asîmîlasyonî qebûl nêkerdî û tewrê refanê gerîlayan bi. Embazê ma Şahîn mucadeleyê PKK’yî de, emrê ciwanî de xeylî aver şi. Bi şexsîyetêko nimûne ke wayîrê ruhê xoverdayîşê Sûrî û ruhê xoverdayîşê Amedî yo. 

 Rolê serkêşîye û mîlîtanîye tim bica ard, mîyanê mucadeleyê PKK’yî de bi wayîrê kedêka pîle û embazanê xo tê fedakarî û mîlîtanîye de bi nimûne. Hemrayê ma Şahîn bi kedkarî, mutewazîtîye û şexsîyetê xo yê resayeyî ameyêne naskerdene. Her tim wayîrê ruhê xoverdayîşî bi. Planê qirkerdişî yê hemverê Kurdan qebûl nêkerdî, xeta mîlîtane û fedaîye ya serkêşe ya PKK’yî tesdîq kerde, bi mîlîtan û ewladêko bianor ê şarê xo û bi nê hawayî nameyê xo tarîxî de nûşt. Hemra Şahînî nameyê xo rojenûşteyê Mezlûman, Kemalan, Zîlanan û Berîtanan de nûşt û tewrê karwanê bêmergan bi. Bi vîrameyîşê xo qerardarî û eşkayîşê serkewtişî sey wezîfe hemrayanê xo rê verdayê. Seba heme şehîdanê ma sozê ma serkewtiş o.“