Şaredarîya Hewlêrî bire daye ke tay cayê esnafan bivurna. Esnafanê Hewlêrî vera na bira keyfîye nêrazîbîyayîşê xo mojna. Esnafan da zanayene ke goreyê peymana mabênê înan û şaredarîye ganî heta 2038î cayê înan nêro vurnayene.

Esnafan vera bira trafîk girewt. Mabênê esnafan û hêzanê PDKyî de alozîye virazîyey. Çekdaranê PDKyî guleyî eştî esnafan ser. Esnafî vanê heta bire apey bêra antene ê do çalakîya xo rê dewam bikerê.