Endama Konseya Rayberdişî ya KCKyî Emîne Kara (Evîne Goyî), hunermend Mîr Perwer (Mehmet Şîrîn Aydin) û welatperwer Abdurrahman Kizil 23yê kanûne de paytextê Fransa Paris de ameybî qetilkerdene. Cenazayê hîrê şehîdan erşawîyayî Kurdîstanî.

Cenazaya Evîne Goyî şaristanê Silêmanî yê Başûrê Kurdîstanî de bi merasîmêkê pîlî ameye pêşwazîkerdene û ameye berdene Camîya Hecî Elîyî. Cenaza dima ra Şehîdgehê Qendîlî rê ameyî raştkerdene. Cenazaya Goyî pê konvoyê bi seyan wesayîtan resaye Şehîdgehê Şehîd Mehmet Karasungurî yê Qendîlî.

Şehîdgeh de bi tewrbîyayîşê bi seyan kesan merasîmêko biheybet ame kerdene. Cenazaya Evîne Goyî pê beyraqa PKKyî ameye piştene û merasîm de beyraqê PKKyî û fotografê Rayberê Şarê Kurdî Abdullah Ocalanî ameyî kiriştene. Verê rayraşîyayîşî de posterêko Evîne Goyî û Abdullah Ocalan têkişt de yê bale ante xo ser. Cenazaya şehîde serê doşê cinîyan de ameye kiriştene.

Rayraşîyayîş de û wextê definkerdişî de sloganê “Şehîd namirin”  û “Jin jiyan azadî” ameyî eştene.