Merwan Ulaşî şehîd Şoreş Amedî reyde Zîndanê Amedî ra fîrar kerdbi û xo resnabi koyan. Merwan Ulaşî serrgêra şehadetê ci de Şoreş Amed (Devrîm Kavak) yad kerd.

Merwan Ulaşî wina qala Şoreş Amedî kerde:

''Mi embaz Şoreş verî koyan de dî. Embazan qala ey kerdêne vatêne 'Sey Mazlum Dogan o.' O Mazlum Doganê sibayan bi, embazêko winasên bi. Ey wendêne, cigêrayîş kerdêne, roşnvîrîye kerdêne û tim wendêne. Xîtabê ci zaf qewetin bi. Ma vatêne qetî o binuso. O merdimêko çêr bi. Zîndan de o yew hele zî veng nêvindertêne. Embaz Şoreşî zaf qisey nêkerdêne la fam kerdêne û cade têgêrayêne. Embaz Şoreşî zaf tesîrê embazan kerdêne. Ma tira zaf fayde dîyêne.

O tim mîyanê pratîkî de bi, Mêrdîn de hetê ma de bi. O çax ma erşawîyayî Başûrî. Serrêke-di serrî ma Başûr de mendî. Perwerdeyî ra dima o agêra Erziromî. Uca ra zî derbazê Îstanbulî bi. Wexto ke ma zîndanî ra fîrar kerd û xo resna koyan ey vat 'Ma şorê Ege.' Çunke o wayîrê tecrubeyêkê pîlî bi. Wextê fîrarî û resayîşê koyan de kede û rolê ey pîl bi.''