Aso Ferzad (Seyît Perendegel)o ke 18ê teşrîna peyêne ya 2022yî de qezaya Gimgimî ya Mûşî de şehîd bibi, helanê xo yê peyênan de keyeyê ablûqakerdeyî de, serê dêsan ra ''Ez PKK ya...Kitabê ma de teslîmbîyayîş çin o'' nuşt.
Gerîla Ferzado ke Rojhelatê Kurdîstanî ra yo dîmenê nê nuşteyê ci resa destê ma.
Fermandaranê YJA-Starî ra Şerda Mazlûm Gabar derheqê xoverdayîş û şehadetê gerîla Aso Ferzadî de nuşteyêk nuşt. Nuşteyê Fermandare Şerda ra tay qismî wina yê:
![](https://anfturkce.com/uploads/tr/articles/2024/06/20240607-aso-seyid-jpg4db926-image.jpg)
''Ez do qalê ewladanê welatî yê tewr rindan ra yewî bikera. Gelo fotografêk hendê eşkeno tesîrê merdimî bikero? Emser di fotografan ser o mi xo da persan ver. Nînan ra yew fotografê Abbasî yo ke Şervan girewtbi paştîya xo û oyo bîn zî fotografê Asoyî yo ke bîyo Zîlane.
![](https://anfturkce.com/uploads/tr/articles/2024/06/20240607-sehit-aso-kasim-20226-jpg7efca4-image.jpg)
Adara 2022yî de Akademîya Hakî Karerî de mi embaz Aso şinasna. O cayê xo de nêvindertêne, tim kelecanîn bi. Hetê ci yê serkêşî zî est bi. Qiseykerdişê ci bi kelecanî bîyî. Ey ganî cade birêke bigirewtêne û bişîyayêne cayêkî.
![](https://anfturkce.com/uploads/tr/articles/2024/06/20240607-dsc-8862-jpg4c2cd5-image.jpg)
Embaz Aso mîyanê şarê ma yê Rojhelatê Kurdîstanî de pîl bibi. Asoyî koyan ra û gerîlatîye ra hes kerdêne.O sey koyêkî bi.
Aso ciwanê nê erdî û nê koyan bi. Ey vera îşxalê erdê ma şer kerd. O perwerê welatê xo bi.
Hetê bînî ra yew merdim eşkeno hendê partîye ra hes bikero? Hendê eşiqê welat û embazanê xo bibo?
Embaz Asoyî wisarê 2022yî de ver Dêrsimî dest pê rayraşîyayîşê azadîye kerd. 17ê teşrîna peyêne ya 2022yî de dewa Armûtkaşiyî ya qezaya Gimgimî ya Mûşî de o mîyanê keyeyêkî de gêrîya binê ablûqa. Keye dîya guleyan ver. Embaz Asoyî teslîmîyet red kerd û bi bombayanê destan cewab da dişmenî. Ey dêsan ser o ''Bijî Reber Apo'', ''PKKgirbîyayîş rûmet o'', ''Kitabê ma de teslîmbîyayîş çin o'', ''Ez PKK ya'' nuşt. Dima ey xo ser de bomba teqnaye. Ez bi hezaran kitaban biwana zî hendê binê tesîrê nînan de nêbena.
![](https://anfturkce.com/uploads/tr/articles/2024/06/20240607-dsc-8831-jpg0653ce-image.jpg)
Erkê ma yo ke ma raştîya nê kesayetî û na çalakîye fam bikerê. Ganî ma erk û mesuldarîyanê ke na hîkayeya destanwarî vana bîyarê ca. Ma deyndarê Asoyî yê. Seke Embaz Asoyî dîyar kerdo kitabê ma de teslîmbîyayîş çin o û embaz Aso PKK yo.''