Çimdarê sîyasîyî Felah Salihî ANFyî rê qisey kerd û da zanayene  ke o paştî dano kampanyaya ke seba ke PKK lîsteya terorî ra bêro vetene yena kerdene.

Felah Salihî îfade kerd ke yew eleqeyê PKKyî bi terorî çin o û vat: ''PKK têgêrayîşêko global o. Eke ma Tirkîya û PKKyî têver bidê ma vînenê ka kamyew terorîst o. Dewleta tirke vera kurdan dewletêka terorî ya. PKK terorîst nîyo, vera terorî yo.  Hem çend reyî PKK û Tirkîya masayanê dîyalogan de roniştî. PKK temsîlkarê kurdanê Vakurî yê. Eke haştîye bêra caardene û PKK zî lîsteya terorî ra bêro vetene aramî û demokrasî do bêrê Tirkîya.''

Felah Salihî pare kerd ke ganî welatê Ewropa PKK lîsteya terorî ra vejê û no erkêko exlaqî yo. Salihî vat: ''Ganî her kes tewrê kampanyaya vera qedexeyê serê PKKyî bo. Seba ke PKK mîyanê na lîste ra bêro vetene ganî her kes erkê xo bîyaro ca.''