Nuştox û rojnameger Letîf Fatîh Ferecî derheqê kampanyaya vera qedexeyê serê PKKyî de û hêrişanê qirkeran ê dewleta tirke de ANFyî rê qisey kerd.

Fatîh Ferecî pare kerd ke paştî dano kampanyaya vera qedexeyê serê PKKyî û vat: ''Seba ke PKK lîsteya terorî ra bêro vetene wezîfe keweno milê her kesî ke no wezîfeyêko exlaqî û merdimîye yo. Dewleta tirke teror a ke qirkerdişan kena. Tirkîya tarîx de tim waşt neteweyanê bînan qir bikera û qir kerd. Dewleta tirke şaristanê kurdan îşxal kerdî, ziwanê kurdkî qedexe kerd. La welatê Ewropa vera ney bêveng ê. Ganî nê welatî PKKyî na lîste ra vejê.''

Ferecî vist vîrî ke dewleta tirke çekanê kîmyewîyan xebitnena la mîyanê lîsteya terorî de nêna cakerdene. Ferecî vat: ''PKK têgêrayîşê azadîye yo û bêrûmetîyêka pîl a ke PKK mîyanê na lîste de bêro cakerdene. Erkêko merdimîye û exlaqî yo ke ganî pêro roşnvîr û fîlozofî paştî bidê kampanyaya vera qedexeyê serê PKKyî. Azadîya Rayber Apoyî û PKK lîsteya terorî ra vetiş têna seba şarê kurdî nê, seba şarê Tirkîya û welatê Tirkîya zî yena manaya azadî û demokrasî. Azadî û demokratîkbîyayîşê Tirkîya pabesteyê azadîya Rayber Apoyî û wedarnayîşê qedexeyê vera PKKyî yo.''