Endamê Konseya Fermandarîya HPGyî û Fermandarê Warê Dêrsimî Yilmaz Dêrsim (Îsmaîl Surgeç) 10ê teşrîna peyêne de operasyonê artêşa tirke de Gelîya Ahpanosî ya herêma Awtengê Elîyî ya qezaya Xozatî ya Dêrsimî de şehîd bibi.

Gerîlayê HPGyî Kemal Pilindî qala Fermandar Yilmaz Dêrsimî kerde. Pilingî eşkera kerd ke ey wexto ke tewrê gerîlayan bi Yilmaz Dêrsim nas kerd û wina dewam kerd: ''Ez û komêka embazan ma Îstanbulî ra tewrê gerîlayan bîyî. Ey Dêrsim de perwerde da ma.Nêzdîbîyayîşê ey tim bala ma antêne. 2012 de cepheyê Rojawanî de îdarekerê cepheyî o bi. Wexto ke mi o dî zaf kêf mi ame. Çunke mi gerîlatîya ci ra hes kerdême.

Ey tim ma reyde nîqaşî kerdêne, sohbetî kerdêne. Goreyê ey mabênê fermandar û şerwanan de ferq çinbi. Ey bi xîretê Rayberîye, bi îdeolojî û pespektîfê Rayberîye tewirê xo vetbi werte. Embaz Dêrsim tim pa Rayberîye ciwîyayêne. O wina têgêrayêne ke seke Rayberîye kişta ci de ya.

Têkoşînê ma seba azadîya Rayberîye û şarê ma yo. Nêzdîbîyayîşê embaz Yilmazî de nê hîsî estbî. Ma bi serran pîya mendî. Serra 2011î ra heta 2013î ma pîya bîyî heman kampa zimistanî de mendî. Embaz Yilmaz merdimêko cîya bi. Ey bawer kerdêne ke embazîye merdiman kena xurtêr. Raşta zî wina ya. Ey tim pê koman eleqedar bîyêne.''