Fermandarê HPGyî Bêzar Semsûrî derheqê Roşanê Newroze ANFyî rê qisey kerd. Semsûrî Newroza Rayberê Şarê Kurdî Abdullah Ocalanî fîraz kerd û nê vatî:

''Semedê şarê kurdî manaya Newroze zaf cîya ya. Kurdî bi bedenê xo Newroze fîraz kenê. Xora ma nêeşkena qala hîsanê xo yê semedê şehîdanê xo bikerê. Vateyî qîm nêkenê. Ganî şar û ciwanê ma bizanê ke Newroze têna pê adirê şayîye fîraz nêbena. Newroze hetê felsefî, îdeolojî û sosyolojî ra ma rê vengdayîşê o. Newroze semedê ma newe ra bîyayîş o. Ganî tewrbîyayîşê Newroze yê şarê ma sey tewirê vera îşxalkeran bo. Şarê ma ganî waranê Newroze pirr bikero. Ganî ma Mazlûm Dogan, Zekîye Alkan, Rahşane Demirel, Muslum Dogan, Evrim Demir xo vîr ra mekerê. Zorîye û asntegîye bibê zî ganî tewrbîyayîşê Newroze xurt bo.''

Fermandarê HPGyî Bêzar Semsûrî veng da ciwananê kurdan ke wa vera zulmê dewleta tirke verê xo bidê koyanê azadan û vat: ''Ma do Newroze koyanê azadan de fîraz bikerê. Koyan û fîkranê Rayber Apoyî ma bedilnayî.  Ganî ma her Newroze sey newe ra bîyayîşî bigêrê dest. Nê semedî ra sere de ciwanî ganî şarê ma bi ruhê Newroze têkoşînî pîlêr bikero. Têna roja Newroze nê wa heme rojê serre de fîrkê Rayber Apoyî bêrê esasgirewtene. Wa warê Newroze bi ruhê qesasî bêrê pirrkerdene.''

Fermandarê HPGyî Bêzar Semsûrî Newroza xoverdayoxanê zîndanan zî fîraz kerd û vat: ''Qerfîyayîşo fîzîkî muhîm nîyo. Rayberîya rinde fîna sereyê ma. Xora ma merg zî kerd bêmana.  Şehîdê ma semedê ma ciwîyenê. Ma înan bidê ciwîyayene. Têkoşîno ke ma kenê eslê xo de têkoşînê înan o. Ma do bi ruhê têkoşînê şehîdan îşxalkeran erdê xora pak bikerê. Ma do Newroze wina hêzdar fîraz bikerê ke ê mecbûr bimanê şirê linganê Rayberîye. Têkoşînê ma do game bi game vila bo. Ma zî do bingeyê qesasî de têkoşînê xo xurtêr bikerê û her roje bikerê roja Newroze.''