Fermanarîya Eyaletê Amedî bi eşkerayîyêka nuştekîye veng da kesanê ke ajanîye kenê û hîşyar kerdî.

Eşkerayîya Fermanarîya Eyaletê Amedî wina ya:“Ma eşnawit ke Eyaletê Amedî de kesê bi nameyê Fuat Yalçin û Murteza Karademir bi nameyê têgêrayîşê ma şarî ra pere arêdanê û dişmenî rê ajanîye kenê. Şarê welatperwerî xapînenê û xizmetê dişmenî kenê. Heme şarê ma û dormeyê ma yo welatperwer wa vera nê wird kesan ke nameyê înan yeno vatene tedbîr bîgêro. Wa şarê ma înan rê mexapîyo, meverdo nêzdî ci bê. Ma heme falîyetanê ajanîye yê eyaletî zanê û ma do înan bêcewab meverdê. Êyê ke bi kerdişanê cîya cîyayan zirar danê şarê ma û destê înan de gonîya embazanê ma est a, ma do niheqeq înan ra hesab bipersê.”