Fermandarîya Qerargehê Merkezê Pawitişê Şarî (MPŞ) bi wesîleya serrgêra 23. ya Komployê Mîyanneteweyî yê 15ê Sibate eşkerayîyêke daye. Eşkerayîye wina ya:

''Ma set şarê kurdî û têgêrayîşê azadîye, 15ê Sibate Komployê Mîyanneteweyî yê vera Rayberîya ma bi hêrs û tûjî şermezar kenê. Ma pêro şehîdanê 'Şima nêeşkenê roja ma tarî bikerê' bi hûrmet û minetî yad kenê.

Hişmendîya Îtîhat û Terakî û teqîbkerdoxa ci rejîmê dewleta tirke vera şarê kurdî sibata 1925î ra nata sîyasetê îmha û înkarî yo giran û sîstematîk ard ca. Nê sîyasetê îmha û înkarî Planê Şark Islahatî ra bigêrê xeylêk qirkerdişanê vera kurdan de, bi rengê hêrişê qirkerdişî dewam kerd. Serewedarnayîşê tarîxîy ê Rayber Apoyî û rêxistina rayraşîyayîşê azadîye ya PKKyî kerd ke çarenusê qirbîyayîşê kurdan vindero.

La rejîmê dewleta tirke yo ke tim kurdan rê bêstaturîye, bênasnametîye, asîmîlasyon û qirkerdiş ferz kerdî gandarbîyayîşê kurdan û şerê azadîye yê kurdan qetî hezm nêkerd û dinya ser o Komployo Mîyanneteweyî yê 15ê Sibate rêxistin kerd. No komployo ke leweyê qirkerdişê vera kurdan o, sey 'Roja Reşe' û 'Roja Qirkerdişê Kurdan' ame pênasekerdene, vîrê şarê ma de ca bîyo û pê hêrs û kînî qetî nêame qebulkerdene.

Rayber Apoyî 23 serran binê şert û mercanê ke qet yew merdim tehamulê ci nêkeno, de bi hawayêkê bêhempayî û tarîxîyî xo ver da, tewirêk mojna. Nê xoverdayîş û tewirê berzî yê Rayber Apoyî komplo pûç kerd. Şarê ma tewir û xoverdayîşê Rayberîye û îdeolojî û paradîgmaya têgêrayîşê ma ra hêz girewt, xeta Apogîran de têkoşîn kerd û hewesê komplogeran şikna. Nê 23 serran de komplo ame pûçkerdene, xeta Apogîran a ke hedefê komplogeran bîya, bîye qetî û tûj, qerardarî û xîretê têkoşînî yê milîtananê Apogîran bîyî pîlêr, perwerîya kurdan a bi Rayber Apoyî vejîyaye asta tewr berze û têgêrayîşê Apogîran resa dewrê xo yê tewr xurtêrî.

Gerîlayanê Azadîya Kurdîstanî nê prosesî de çêrîyê pîlî kerdî, Gerîlatîya Modernîteya Demokratîke aver berde û bi nê hawayî kerd ke stratejîya Şerê Şarî yê Şorişgêrî bi xurtî aver berê û pratîze bikerê. Gerîlayan serrgêra Komployî de 10ê sibate de Garê de rayberîya embaz Şoreş Beytuşşebabî de derba pîle daye artêşa tirke ro û Serkewtişê Garê ard ca. Gerîlayanê Azadîye yê Kurdîstanî serra 2021î de pê ruhê Şoreşan, pê ruhê fedayî yê Apogîran şer kerd, înan armancê komploger û dewleta tirke pûç kerdî û têkoşînêko tarîxî kerd.

Gerîla û Fermandarê Azadîya Kurdîstanî yê ke çar parçeyanê Kurdîstanî ra tewrê Hemleya Wextê Azadîye bîyî, do na hemle ser bivisnê û Komployê Mîyanneteweyî binî ra parçe bikerê, bivisnê warî. Seba ney gerîlayî do bêteredut, verî ke xeta Apogîran ra tawîz bidê, pê xîret, bawerî, qerardarî û ruhê fedayî do wayîrê wezîfeyanê xo vejîyê.

Ma sey Gerîlayanê Azadîye yê Kurdîstanî bi qerardarî anê ziwan ke pê îdîa û bawerîye seba ke serra 24. ya Komployê Mîyanneteweyî de Şerê Şarî yê Şorişgêrî hîna bi tesîrî bîyarê ca, gerîlatîya profesyonele pratîze bikerê, cendereyê qirkerdişê kurdan parçe bikerê û azadîya Rayberîye bîyarê ca pêro wezîfe û mesuldarîyanê xo do bîuarê ca. Ma serra 24. ya Komployê Mîyanneteweyî de pêro embazan, dostan û şarê xo yê welatperwerî rê serkewtiş wazenê.''