Fermandarîya Pêroyî ya YPGyî bi wesîleya serrgêra şehadetê Şehîd Xebat Dêrikî eşkerayîye daye û nê vatî: ''Ma fermandar û serkêşê xo Şehîd Xebatî Dêrikî serrgêra şehadetê ci ya 11. de bi hurmet mînetî yad kenê.  

Destpêkerdişê merdimîye ra heta nika ronayîşê her welatî de ya zî destpêkerdişê her şorişî de mîyanê nê şarî ra merdimê zanayeyî û serkêşî vejîyenê. Şorişê Rojawan de zî merdimê winayênî vejîyayî werte û qederê şarê xo bedilna. Serkêşanê şorişê ma ra yew zî Şehîd Xebat Dêrik o.

Badê serranê dergan berzeyê cuya azade yo ke amebi ramitene 2011î de zîl da, bi pîl û heme dinya ra vila bi. Serkêşîya Şehîd Xebatî de şar ame rêxistinekerdene û semedê pawitişê destkewteyanê şorişî ame perwerdekerdene. Seba ke no şoriş ser bikewo ganî bingeyê ci  zixm biyêne û Şehîd Xebatî bingeyo zixm rona. Şarê kurdî ke tim şaranê bînan rê leşkerîye kerdêne reya verêne sebe ke xo rê leşkerîye bikerî yewîyê xopawitişî ameyî ronayene. Şarê kurd, ereb, suryanî û şarê bînê ke herême de bî ameyî têhet. Ewro sîstemê şarî yo demokratîk zî îspatê naye yo.

Şerwananê Şehîd Xebatî heme cepheyan de pîya şer kerd. Nê zî têkoşînê ma resna serkewtişî.  Bi hezaran hemrayanê yê fedakar û kedkeran ke xebatê xo resnayî merheleyêke wextanê tewr zoran de bîyî mertalê ganî û canê xo feda kerd. Mîrasê Şehîd Xebat û heme şehîdanê ma hende zaf o ke bi nê mîrasî bi desan şorişî eşkenê bibê.

Şoriş xeyrê karekteranê pîlan reseno serkewtiş û Şehîd Xebat karekterêko pîl bi. Heyecan û coşê ci, vindetiş û fedakarîya ci demê kilmî de bîyî sebebê gamanê pîlan. Bigeyê ronayîşê YPGyî yê ke demê kilmî de ameyî eştene naye ramojnenê. Fermandar Xebatî ronayîşê YPGyî de gamêke tarîxî eşte. Embaz Xebatî ke fermandarîya xo de mîsyonêko fedakar girewt xo ser. Kurdîstan û Rojheletê Mîyanênî de vera heme kanperestî şerwanîya dîsîplînine aver berde.Tecrubeyê ey yê serranê şerî ronayîşê YPGyî de bîyî timûtimin.

Ma sey Fermandarîya Pêroyî ya YPGyî destkewteyê Şorişê Rojawanî yê ke xeyrê Şehîd Xebat Dêriko ke 14ê kanûna 2012yî de şehîd bi û bi desan şehîdanê me ameyî destfînayene, pawenê. Ma sozê wayîrvejîyayîşê mîrasê şehîdan newe kenê û heme şehîdanê xo bi hurmet yad kenê.