Gerîlayê ke koyanê Kurdîstanî de Newroze pêşwazî kenê ANFyî rê qisey kerd û bale ante girîngîya serewedaritişî ser.

Gerîlaya YJA-Starî Rojevîne Rotînda vat: ''Sere de yê Rayber Apoyî ez Newroza pêro şarê xo û embazan fîraz kena. Ma sey gerîlayan na Newroze de zî xo newe bikerê, bi ruhê Kawa vera Dehaqan şer bikerê. Newroze azadîya şarê kurdî û şaranê bindestan ana. Senî ke embaz Mazlum doganî Zîndanê Amedî vera Dehaqê ê çaxî Esad Oktayan û dewleta tirke bi şîarê 'xoverdayîş ciwîyayîş o' şer kerd ma zî do heman ruhî vera Dehaqanê nê çaxî şer bikerê. Ma hînî têna nêvajê 'Xoverdayîş ciwîyayîş o', ma vejê 'serewedaritiş ciwîyayîş.' ''

Gerîlayê HPGyî Şaho Tolhildanî vat: ''Ma sey gerîlayan wayîrê ruhê Newroze yê Mazlûm Doganî vejîyenê. Ma soz danê şarê xo û Rayber Apoyî ke qesasê şehîdanê xo bigêrê. Nê prosesê şerî de ganî şar û gerîlayî dest bidê destî û bi ruhê fedayî tewrê prosesê şerî bibê. Ma na Newroze bikerê Newroza serkewtişî. Hînî vateyê 'Xoverdayîş ciwîyayîş o' qîm nêkeno, ma vanê 'ya serkewtiş ya serkewtiş.' Ma do 2022 bikerê serra azadîya Rayber Apoyî û şaranê bindestan.''

Gerîla Welat Mîdyadî vat: '' Newroza Rayber Apoyî, gerîlayanê koyan, embazanê zîndanan û şarê ma fîraz ba. Adiro ke embaz Mazlûm Doganî tavistbi nika Metîna, Zap, Avaşîn û Garê de vêşeno. Bi ruhê xoverdayîşê embaz Şoreş Beytuşebabî ma do Rayber Apoyî reyde Newroze fîraz bikerê. Ma na Newroze de armanc kenê ke Rayber Apoyî azad bikerê, koyanê Kurdîstanî de adirê Newroze geş bikerê û azadîya şarê xo bîyarê ca.''