Tepişte Sînan Gencero ke yeno îdîakerdene ke Zîndanê Girewteyî yê Biasayîşê Berzî yê Wanî de xo kişt, ame definkerdene.

Badê otopsî cenazaya Sînan Gencerî Merkezê Tibî yê Dursun Odabaşî yê Unîversîteya Yuzuncu Yilî ra ameye girewtene. Canazaya ke hetê polîsan ra gerîyaye binê ablûqa bado  ke camîya Eyup Sultanî ya taxa Suphanî de ameye şutene ameye berdene bi goristanî.  Îdarekarê TUHAY-DER û HDPyî bajarî û wekîl Murat Sarisaç tewrê merasîmê cenaza bîyî.

Maya Gencerî destê lajê xo hene kerdî û lawikî eştî ey ser. Merdimanê Gencerî ke tepsîya heneyî ya ke bi renganê çeqer, sûr û hewzî xemîlyayî hene viraşt vat: ''Sînan bi zama, ma têkoşînê ey do cameverdê.''

Cenaze goristan de binê ablûqaya polîsan de ameye definkerdene. Têna keyeyê Gencerî gerîya goristan.