Gerîlaya YJA-Starî Bêrîtane Çîya serrgêra şehadetê ci de  Zîlane (Zeynepe Kinaci) yad kerde ke Zîlane 30ê hezîrana 1996î de Dêrsim de çalakîya fedayîye kerdbî.

Bêrîtane Çîya ard ziwan ke Zîlane seba ke tehlukeyê serê Rayberê Şarê Kurdî Abdullah Ocalanî dîbî çalakîya fedayîye kerdbî û vat: ''Tesîrê çalakîya aye hema zî dewam keno. Dişmen hema zî bi tersî têgêreno. Embaze Zîlane gerîlatîya xo de felsefeya Rayber Apoyî xo rê kerdbî esas. Şexsê aye de perwerîya bi Rayber Apoyî bi zelalî asena.

Embaze Zîlane sey cinîyêka şorişgêre ma pêroyînan rê bîye serkêş. Ma serê rêçê Fermandare Zîlane de şinê. Gerîlayê azadîye ewro vera dişmenî bi ruhê Zîlane têkoşîn kenê. Têkoşîno ke nika koyanê Kurdîstanî de yeno kerdene dewamê xeta fedayî ya Zîlane yo. Senî ke embaze Zîlane xo kerd gogê adirî û zerrîya dişmenî vêşnaye sey şagîrtanê aye ma do heta çilka peyêne ya gonîya xo têkoşînê aye bîyarê ca û bidê çeqê aye dima.''