Eşkerayîya Merkezê Çapemenî û Îrtîbatî yê HPG’yî  da pêhesnayene ke şerwana enternasyonalîste Sarah Handelmanne hêrişê hewayî yê artêşa Tirkî de şehîd bîya û  derheqê babete nê pare kerdî:

"Şerê xoverdayîşî yê Kurdistanî bi qehremanîye, kede û fedakarîyêka girde dewam keno. Xoverdayîşê azadîye yo ke bi serkêşîya PKK’yî dewam keno, çar hetanê dinya de veng dano. Têkoşînê şehîdanê ma yê qehremanan ke cuyêka tewirê fedayîye xo rê esas vînenê benê destan û rîpelanê tarîxî yê ke nênê vîrakerdene de yenê nuştene.

Xeylî hemrayê ma yê ke Kurdistan de vera artêşa Tirkî ya faşîst-kolanyalîste têkoşîn kenê, nê wareyê xoverdayîşê tarîxkî de bi qehremanîye têkoşîn dayo û Kurdistan de rayîr nêdayo faşîstan. Nê qehremanan ra yewe zî şerwana enternasyonalîste Sara Dorşine (Sarah Handelmanne) a. Hemraya ma Sara 7'ê Nîsane 2019 de rîyê herişanê hewayî yê dewleta Tirkî ya îşxalkare yê vera Herêmanê Pawitişî yê Medya de şehîd bîye.

Keyeyê hêca Handelmanne, seba hemra Sara ya ke mîyanê têkoşînê azadîye de ca girewto çiqas sereberz bibê zî kêm o. Rîyê nê vînîbîyayîşê giranî ra ma seweşîye keyeyç Handelmann a hêcaye ra wazenê. Ma şexsê hemra xo Sara Dorşine de heme şehîdanê xo yê enternasyonalîstan bi rêz yad kenê ke nîşena tewr girde ya yewîya şaran a û mîyanê refê têkoşînê azadîye ya şaranê bindestan de reste merheleya şahadete. Ma soz danê ke ma do bi alaya înan a azadîye ser bikewê.''

Sicîla gerîlaya ke şehîd bîya wina ya:

Nameyê Qodî: Sara Dorşine

Name Peyname: Sarah Handelmanne

Cayê Biyayîşî: Almanya

Maye-Pî: Înna-Heyno

Tarîx û Cayê Şehadetî: 7’ê Nîsane 2019 / Wareyê Pawitişî yê Medya