Gerîlaya YJA Starî Behîye Kaçara ke 2ê kanûna 2022yî de herêma Gabarî ya Şirnexî de de şehîde bîye, cenazaya ci badê 7 aşman dîyaye keyeyê ci.

Keyeyî 14ê kanûna 2022yî testê gonî viraşt la hema ke netîceya ci nêvîyayo cenazaya Kaçare “mezalanê bêkesan” de ameye definkerdene. Dima ra keyeyî di reyna testê gonî viraşt û 27ê sibata 2023yî de reyna muracatê Serdozgerîya Komare ya Şirnexî kerd. Rixmo ke netîceya testî zelal bîye zî bi aşman cenaza nêdîyaye keyeyî. Keyeyî peyê cenazaya xo canêverda û vizêr cenazaya kênaya xo girewte berde Sêrt û Mezelanê Şeyh Mûsayî de bi tewrbîyayîşê xeylêk kesan, defin kerde.