Merkezê Çapemenî û Îrtîbatî yê HPG’yî bi eşkerayîyêk derheqê çalakîyanê gerîlayan û hêrişê artêşa Tirkî de zanayîş da.

Eşkeryîya HPG’yî wina ya: ‘’15’ Temmuze de hêzanê ma qezaya Êlke ya Şirnexî de vera wesayîtêk o ke seba viraştişê stergehê eskerî  malzeme kiriştêne Qilê Kerkolî çalakîya sabotajî viraşte. Çalakîye de wesayît tememî de ame îmhakerdene, 3 kontrayî ameyî kiştene. Hemen wext de çalakîyêka bîne ameye viraştene, kepçeyêk ame îmhakerdene. Yewîya ma ya ke çalakîye viraşte weşûwar resaye cayê xo. Medyaya dewleta Tirkî na çalakîye sey hêrişê vera karkeran ramojna, la raştîye de na çalakîye vera îşxalkaran ameye viraştene û kesê ke ameyî kiştene kontra yê.

Gever de Gerîlayanê YJA Starî ra Çalakîya Hemwexte

16’ê Temmuze de hêzanê ma yê YJA Starî qezaya Geverî ya Colemêrgî de çalakîya hemwexte viraşte. Yew wesayîto ke Qereqolê Zêrînî yê Esendere rê seqîyat kerdêne û kozikê nobete heman wext de ameyî pirodayene. Çalakîya ke îşxalkaran ser o guleyî ameyî varnayene de tewr tay 6 eskerî ameyî kiştene. Dimayê çalakîye îşxalkaran herême bombardûman kerde.

Agirî de 3 Gerîlayî Hêrişê Hewayîyî de Şehîd Bîyî

13’ê Temmuze de artêşa Tirkî ya îşxalkare herêma  Şehîd Tûfanî ya Tendurekî yê Agirî de hêrişê hewayîyî kerd. Nê hêrişî de 3 embazê ma şehîd bîyî. Nasnameyê embazanê ma do dima ra rayapêroyî dir bêrê parekerdene.

Qaqizman-Çemçê de Operasyon

26’ê Hezîrane de artêşa Tirkî ya îşxalkare herêma Çemçê ya qezaya Qaqizmanî ya Qersî de operasyonêk da destpêkerdene. Operasyono ke  hema yeno dewamkerdene de artêşa Tirkî daman nana ro.

17’ê Temmuze de teyareyanê şerî yê artêşa Tirkî herêma Wareyê Pawitişî yê Medya ra Qilê Colemêrgî bombardûman kerde. Nê hêrişî de vînîbîyayeyê ma çîn ê.’’