Merkezê Çapemenî û Îrtîbatî yê HPG’yî bi eşkerayîya nuştekîye da zanayene ke gerîlayanê YJA Starî herêmanê Kanî Orê û Şîva Stêrkî yê  qezaya Çelê ya Colemêrgî de vera artêşa Tirkî ya îşxalkare çalakîye viraşte. Netîceya çalkîye de tewr tay 13 leşkerî ameyî kiştene.

Eşkerayîya HPG’yî wina ya: ‘’ Çarçeweya Hemleya Şorişgêre ya Şehîd Bager û Şehîde Ronya de 21’ê Temmuze de hêzanê ma yê YJA Starî yew konvoyê artêşa Tirkî yo ke qezaya Çelê ra ver bi merkezê Colemêrgî şiyêne hedef girewt. Çalakîya ke herêmanê Kanî Orê û Şîva Stêrkî de ameye viraştene de heme wesayîtan ser o adir ame varnayene. Çalakîye de wesayîtêko zirxin temamî de ame îmhakerdene û 13 leşkerî ameyî  kiştene. Yewîya ma ya ke çalakîye viraşte weşûwar resayê cayê xo.

Artêşa Tirkî ya îşxalkare vera Wareyê Pawitişî yê Medya hêrişê hewayî kerdî. 13’ê Temmuze de Qilê Colemêrgî yê Metîna, 20’ê menge de herêma Golka ya Metîna, 22’ê menge de Qilê Cehennemî yê Zapî û herêma Adilbegî ya Avaşînî ameyî bombardûmankerdene. Hêrişan de vînîbîyayeyê ma çîn ê.’’