Merkezê Çapemenî û Îrtîbatî yê HPG’yî eşkerayîya nuştekîye daye û derheqê çalakîyanê gêrîlayan û hêrişê dewleta Tirkî de zanayîş da.

Eşkerayîye ca dîya nînan: ‘’13’ê Temmuze de teyareyanê şerî yê dewleta Tirkî Qilê Şehîd Ezîzî yê Xakurkê, 14’ê menge de  Qilê Helîkopterî, û 15’ê menge (ewro) zî  Qilê Şikerê Sipî bombardûman kerdî. Dimayê bombardûmanî îşxalkaran pê Skorskyan eskerî kiriştî Qilê Şehîd Ezîzî û hewl da ke ûca xo bica bikerê.

Hêzanê ma 14’ê Temmuze de nêzdîya Qilê Şehîde Sarya de vera eskeranê artêşa Tirkî ya îşxalkare yê ke waştêne vejîyê erazî û darî birnayêne çalakîyêk viraşte. Yewîya dişmenî ya ke bitesîr ameye pirodayene de 3 eskerî ameyî kiştene û xeylî zî birîndar bîyî. Yewîya ma ya ke çalakîye viraşte weşûwar resaye cayê xo.

Çarçeweya Hemleya Şorişgêre ya Şehîd Bager û Şehîde Ronya de hêzanê ma 14’ê Temmuze de qezaya Geverî ya Colêmerî de çalakîyêk viraşte. Çalakîya sabotajî ke  mabênê dewanê Kendalokê û Wargenima de vera wesayîtanê gureyî yê ke xebatê ‘rayîrê asayîşî’ de yenê şuxulnayene ameye viraştene yew kepçeyê dişmenî ame îmhakerdene. Hûmara merde û birîndaran ê eskeran nêame zelalkerdene.

14’ê Temmuze de teyareyanê şerî yê artêşa Tirkî qezaya Amedîye ya Duhokî de Qilê Amedîye û herêmanê Wareyê Pawitişî yê Medya ra  Zap de Gundê Filleha bombardûman kerdî. Bombardûmanan de vînîbîyayeyê ma çîn ê.’’