Gerîlayan Gever û Xakurkê de da eskeranê Tirkî ro

Çalakîya gerîlayan ê Geverî yê 24’ê Temmuze de 4 mewzîyê eskerî ameyî îmhakerdene û 12 eskerî ameyî kiştene.

Merkezê Çapemenî û Îrtîbatî yê HPG’yî bi  eşkerayîyêka nuştekîye derheqê çalakîyanê HPG û YJA Starî de zanayîş da.

Eşkerayîye  de ca dîya nînan: ‘’Çarçeweya Hemleya Şorişgêre ya Şehîd Bager û Şehîde Ronya de  vera artêşa Tirkî çalakîyê bitesîr ameyî viraştene. Na çarçewe de detayê çalakîyan wina yê:

Dewa  Kaportê ya qezaya Geverî ya Colemêrgî  ra di kesê bi nameyê Haşim  Hasin û Cebelî Balî yê ke bi dewlete xebityene xeylî raye hetê hêzanê ma ra ameyî hîşyar kerdene. 23’ê Temmuze de hêzanê ma şantîye de 3 kamyon 2 kepçe û xeylî malzemeyê înan îmha kerd.

Gever de 4 Mewzî Ameyî Îmhakerdene û 12 Eskerî Ameyî Kiştene

14’ê Temmuze de hêzanê ma vera eskeranê ke Qilê Şehîd Afatî yê Geverî de xo ca kerdbi  çalakîyêk viraşte.  Çalakîye de 4 mewzîyê eskerî ameyî îmhakerdene û 12 eskerî ameyî kiştene. Heman roje de hêzanê ma yê YJA Starî Xakurkê de eskerê Tirkî yê îşxalkarî yê ke dormeyê Qilê Sehîde Sarya de darî birnayêne hedef girewtî. Çalakîya sûîqastî de eskerêk ame kiştene. Reyna çalakîya bîne zî Qilê Şehîd Derweşî de ameye viraştene. Çalakîya ke kepçeyêk  ame hedef girewtene de hûmara merde û birîndaran ê eskeran zelal nêbîye.

Teyareyanê şerî yê dewleta Tirkî 24’ê Temmuze de derûdorê dewa Bêpalanî ya Qendîlî  û herêma Kûrojahro yê Zapî bombardûman kerdî.’’